فيفي عبده: الرقاصة ليست سيئة السمعة وأنا حجيت 5 مرات.. كفاياكم زهقتونا
قالت الراقصة فيفي عبده، أن الراقصة ليست امرأة سيئة السمعة طوال الوقت، وأن هناك العديد من الراقصات لهن جمهورهن الذي يحترمهن.
وأضافت خلال تصريحاتها إذاعية، "أنا عملت عمرة وحجيت 5 مرات.. وعملت فرض ربنا، كفاياكم تقولوا الرقاصة، هو مفيش شماعة مايلة غير الرقاصة؟ لأ الرقاصة دي ليها ناسها بيحترموها وبيتفرجوا عليها، قرفتونا وزهقنا من كلمة رقاصة كلمة مالهاش لازمة".
زيجات فيفي عبده
وأعربت فيفي عبده، عن غضبها بسبب السؤال المتكرر عن عدد زيجاتها وتفاصيل حياتها الشخصية، قائلة: بيسألني على الهواء اتجوزتي كام مرة؟ ما خلاص خلصنا يا أخي، مش حلو أبدًا ودي حاجة سخيفة أوي، حاجاتي الخاصة مالكش دعوة بيها ولا تسألني فيها.
أما عن رأيها في الجيل الحالي من الراقصات، فقالت فيفي عبده: الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبالك كأنها لعبة وبيقلدوا بعض، أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت.
